Me lëngun, që ju ka mbetur nga zierja e gjuhës, mund të bëni supë por edhe rizoto më të veçantë. Me këtë përshtatet shija e këpurdhave dhe kjo rizoto është e mirë në ndonjë ditë të ftohtë.

Rizoto tipike është më e qullët prandaj edhe receta ime është e tillë. Rizotot që servohen në shumë restorante nuk kanë lidhje me rizoton autentike italiane.

Përbërësit (për 4 persona)

  • 250 gr oriz Arborio (apo ndonjë tjetër por që është i plotë, jo i gjatë dhe i bardhë me më shumë amidon, jo i shkëlqyeshëm)
  • 1 qepë
  • 2 – 3 thelpinj hudër
  • 1/2 gotë verë e kuqe me aromë jo të fortë
  • rreth 400 gr këpurdha të freskëta, çfarëdo që keni
  • 50 gr parmezan i gërryer i freskët
  • 4 – 5 lugë vaj ulliri (për orizin dhe për këpurdhat)
  • 1 lugë puter/gjalpë
  • pak piper i zi
  • kripë vetëm nëse ka nevojë
  • Lëng nga gjuha e mëzatit rreth 1.5 litra
  • Copa të mishit nga gjuha e mëzatit (nëse ju kanë tepruar)

Përgaditja

  1. E shpërlani orizin me disa ujëra dhe e leni pak në ujë, mundësisht të filtruar, që të ulet për 10 minuta. E kulloni mirë
  2. E pastroni qepën, hudrën, këpurdhat dhe i grimconi
  3. E gërryeni djathin parmezan
  4. E ngrohni lëngun e mishit dhe e leni gati afër, duke e mbajtëur të nxehtë gjatë tërë kohës
  5. Në një tenxhere të xhërë, në temperaturë mesatarisht të lartë e shtoni vajin dhe qepët
  6. I fërgoni deri sa të skuqen pak dhe i shtoni hudrën dhe orizin
  7. E fërgoni deri sa orizi të thithë vajin dhe të bëhet pak i shkëlqyeshëm
  8. Ia shtoni verën dhe e përzieni deri sa të avullohet vera
  9. Tani i shtoni lëngun e nxehtë të mishit deri sa e mbulon orizin
  10. E zieni duke e përzier deri sa fillon të shteret. I shtoni prap lëngun deri sa të mbulohet orizi
  11. Tani në një fërtere, derisa orizi vazhdon të zihet, i fërgoni këpurdhat me 2 lugë vaj ulliri, në temperaturë të lartë për afro 5 minuta deri sa të aromatizohen. I shtoni piperin e zi dhe e mbyllni temperaturën
  12. I shtoni orizit prapë lëngun e mishit dhe, posa fillon të shteret e provoni me një lugë nëse ka filluar të zbutet orizi
  13. Nëse është ka filluar të zbutet, ia shtoni këpurdhat dhe e përzieni mirë
  14. I shtoni prapë lëngun e mishit dhe e leni të shteret pak. E provoni nëse ka nevojë të shtohet kripë, duke pasë parasysh se edhe djathi është me kripë. Poashtu nëse është orizi i zier, por kokrat janë të plota (duhet të jetë i qullët), e ndërpreni temperaturën
  15. Ia shtoni parmezanin me puterin/gjalpin dhe copat e mishit të gjuhës (nëse keni). E mbyllni me kapak dhe e largoni nga temperatura
  16. Pas 5 minutave e hapni dhe e përzieni. Rizoto është gati

Servimi

E servoni ashtu si është ose nëse doni me pak magdanoz dhe pak piper të zi.

Ju bëftë mirë!

Lini një koment