Kofshat e gusës/patës, që janë rritur lirshëm, janë muskuj të fortë prandaj duhet të gatuhen gjatë në temperaturë të ulët, e që shpesh mund të rezulton në mish të thatë, ose në presion me tenxhere ekspres që e përshpejton procesin dhe i mbanë mishin të lëngshëm.

Përbërësit (për 3 persona)

• 2 kofshë të mëdha të gusës/patës, me lëkurë
• 6 – 8 thelpinj hudër të mëdhenjë të paqëruar
• 8 kokrra gllia/dëllinja ose kokrra piperi të zi (opcionale)
• një tubë barishte si trumzë, manxuranë (majoran), sherebele apo 2 -3 gjethe dafine (cilatdo që i keni)
• 1/5 lugë kripë
• 2 lugë uthull molle të egër ose molle të lehtë
• pak piper të zi të bluar (nëse nuk përdorni piper kokërr)

Përgaditja

1. I pastroni kofshët mirë me ujë dhe i kulloni mirë
2. I pastroni barishtet që i keni me ujë
3. I shpërlani thelpinjtë e hudrës me ujë, mos i qëroni
4. I qitni kofshët, me lëkurë poshtë, në tenxheren me presion dhe e lëshoni temperaturën në mesatarisht të lartë. E leni që të piqet pa kapak dhe të fillojë të lëshon yndyrën e vet
5. Posa që vëreni që ka filluar të lëshojë yndyrën, e rrotulloni në anën tjetër dhe i shtoni të gjithë përbërësit tjerë
6. E mbyllni me kapak dhe ia ngritni temperaturën në maksimum. Posa që të arrijë maksimumin dhe fillon të “fishkëllojë” e ulni në minimum, prej atij momenti e matni kohën që të zihen 50 minuta
7. Pas 50 minutave e mbyllni temperaturën dhe e leni deri sa ti bie presioni, së paku 10 minuta
8. Pasi që bie presioni e hapni
9. Nëse ju duket që ka shumë lëng, e leni edhe pak kohë në temperaturë të lartë pa kapak, deri sa të shteret pak. E mbyllni temperaturën dhe e servoni

Servimi

I servoni menjëherë me pure të patateve apo të lulelakrës dhe ndonjë sallatë që preferoni. Lëkurën mund t’ia largoni nëse nuk ju pëlqen.

Ju bëftë mirë!