Për këtë supë mund të përdorni spinaq të ngrirë që ju lehtëson shumë pregatitjen e saj. Natyrisht mund ta bëni edhe me spinaq të freskët kur të keni më shumë kohë.
Për këtë recetë kam përdorë lëngun e patateve, pasi që po pregatisja pure patatesh, por mund të përdoret edhe vetëm ujë apo lëng perimesh.
Përbërësit (për 4 – 5 persona)
- 1 qepë e vogël
- 3 thelpinj hudër
- 3 karrota
- 200 gr spinaq i ngrirë ose 300 gr i freskët
- 1.2 litër lëng patatesh (i mbetur nga zierja e patateve) ose vetëm ujë apo lëng i perimeve
- 1/2 gotë tamël/qumësht
- 2- 3 lugë vaj ulliri
- kripë sipas nevojës (nëse përdorni lëngun e patateve që ka kripë, keni kujdes, mos shtoni kripë pa e provuar)
Përgaditja
- Nëse përdorni spinaq të freskët, e pastroni dhe e leni të kullohet. Nëse përdorni të ngririn, filloni nga pika 2
- I grimconi qepët dhe hudrat. Karrotat i qëroni me thikë madolinë dhe i bluani me mikser që të zihen më shpejtë
- E nxjerrni spinaqin nga frigoriferi dhe e leni gati që të shkrihet pak deri sa pregatitni supën
- Në temperaturë mesatarish të lartë, në një tenxhere mesatare e shtoni vajin dhe i qitni qepët që të përzhiten për 3-4 minuta
- I shtoni hudrën dhe karrotat. I përzhitni afro 5 minuta
- I shtoni lëngun e patateve, apo çkado që përdorni, dhe e leni të merr valë
- E leni të ziejë në temperaturë mesatare afro 20 minuta
- E largoni nga zjarri dhe e bluani me bluarëse vertikale
- E ktheni në zjarrë. E grimconi spinaqin dhe ia shtoni supës
- E leni të zihet afro 10 minuta. E provoni nëse ka nevojë për kripë
- E mbyllni zjarrin dhe ia shtoni tamlin/qumështin
Servimi
E servoni menjëherë me pak piper të zi.
Ju bëftë mirë!
Thana 