Recetë e shpejtë, që është gati për 30 minuta, kur nuk keni durim të prisni apo doni diçka të shpejtë për çaj. Brumi bëhet shpejtë dhe nuk ka nevojë të pushojë e as ta hapni, thjeshtë i formësoni me dorë. Nëse doni ngjyrë më të mbyllët përdorni sheqer të kaftë të errët.

Përbërësit (për 12-13 copë)

• 180 gr miell
• 1/3 pako pluhur për pjekurina
• 1/5 lugë sodë buke (bikarboni)
• 3-4 lugë sheqer i kaftë
• 60 gr puter i zbutur (apo i shkrirë por i ftohur)
• 1 lugë xhenxhefil i gërryer
• 1 vezë e tundur pak

Përgaditja

1. Së pari e lëshoni furrën në 180°C dhe në tepsinë e furrës e qitni letrën për pjekje, nuk ka nevojë të lyhet me vaj
2. I përzieni të gjithë përbërësit së bashku përpos vezës
3. Tani e shtoni edhe vezën dhe e bëni bashkë brumin derisa formohet masë kompakte
4. Me dorë e merrni nga një copë në madhësi të arrës dhe e bëni në formë të topthit
5. I renditni një nga një në tepsi, nëse doni i shtypni pak me dorë, nuk ka problem nëse kanë pak çarje
6. I futni në furrë dhe i pjekni për 15 minuta
7. Pasi që të piqen i nxjerrni nga furra dhe i ftohni 5 minuta

Servimi

I servoni menjëherë me çaj ose tamël/qumësht. Nëse nuk kryhen i mbani në një enë me kapak.

Ju bëftë mirë!